Кыргызстан мусулмандарынын Аалымдар кеңешинин төрагасы болуп Замир кары Ракиев шайланды.
Ракиев Замир Шейшенбекович 1978-жылдын 15-февралында Нарын облусунун Кочкор районуна караштуу Шамшы айылында төрөлгөн. Бишкек борбордук мечитинин Куран жаттоо медресесин аяктаган.
Билими:
Египеттеги Аль-Азхар Ислам университетинен «Университетке даярдоо курсу» жана «Дин негиздери» багыты боюнча билим алган. Бишкек гуманитардык университетинен чыгыш таануу боюнча магистр даражасына ээ болгон.
Эмгек жолу:
• 2007-2008 — Чүй облусунун Аламүдүн району, «Абу Бакр Сыддык» медресесинин мугалими;
• 2008-2010 — Чүй облусунун Аламүдүн району, «Абу Бакр Сыддык» медресесинин директору;
• 2010-2011 — Нарын облусунун мусулмандарынын казысы;
• 2011-2016 — Кыргызстан мусулмандарынын муфтийинин орун басары;
• 2016-2017 — Кыргызстан мусулмандарынын дин башкармалыгынын окуу бөлүмүнүн башчысы;
• 2017-2020 — муфтийдин орун басары;
• 2020-2021 — Бишкек шаарынын мусулмандарынын казысы;
• 2021-жылдын июнь айынан тарта Кыргызстан мусулмандарынын муфтийи кызматын аркалаган.
Үй-бүлөлүү, бир уул, эки кыздын атасы.