Россиянын президенти Владимир Путин «Орешник» ракеталык комплекстеринин пайда болушу өзөктүк куралды колдонуу зарылдыгын азайтаарын билдирди. Бул тууралуу РИА Новости кабарлады.
Путин Жарандык коомду өнүктүрүү жана адам укуктарын коргоо кеңешинин мүчөлөрү менен өткөрүлгөн видеожыйында бул темага токтолгон. Анын айтымында, Россия өзүнүн өзөктүк доктринасын катуулатпай, аны жакшыртууда.
«Биз өзөктүк доктринаны катуулаткан жокпуз, аны өркүндөтүп жатабыз. Азыр болсо өзөктүк доктринадан тышкары, «Орешникти» өркүндөтүү керек. Мындай заманбап курал системасы жетиштүү көлөмдө болсо, өзөктүк куралды колдонуу зарылдыгы азаят», — деп белгиледи ал.
«Орешник» системасы Россиянын заманбап аскердик технологияларынын бири катары өзөктүк куралга альтернатива түзүп, коргонуу мүмкүнчүлүктөрүн бекемдөөгө багытталган.