Садыр Жапаров Астанага иш сапары менен барды 

Президент Садыр Жапаров бүгүн, 7-июнда эл аралык Астана форумуна катышуу үчүн Астана шаарына (Казакстан) иш сапары менен барды. Мамлекет башчынын борту Нурсултан Назарбаев эл аралык аэропортуна конду.

Президентти Казакстандын премьер-министринин орун басары Алтай Кульгиновтосуп алды. Сапардын жүрүшүндө Садыр Жапаров «Диалог аркылуу кыйынчылыктарды жеңүү: кызматташтык, өнүгүү жана прогресс жолунда» темасындагы форумдун пленардык сессиясына катышат. Ошондой эле бул диалогдук аянтчанын алкагында эки тараптуу жолугушууларды өткөрүү пландаштырылууда.

Форум Казакстандын президенти Касым-Жомарт Токаевдин патронажы астында өтүп жатат, анда тышкы саясат жана эл аралык коопсуздук, эл аралык өнүгүү жана туруктуулук, энергетика жана климаттын өзгөрүшү жөнүндө сөз болот.

Related posts

Акылбек Жапаров Улуу Ата Мекендик согуштун ардагери Аспек Жумашевге 100 миң сом тапшырды

admin

Бишкек шаарында мезгил-мезгили менен жаан жаап, аба ырайы +12…+14 градуска чейин жылыйт — 14-октябрга карата аба ырайы

admin

ЕАЭБ өлкөлөрүндө жумушсуздук 12,4%га кыскарды

admin

Комментарий