Кыздарыбыз да мыкты, күйөрмандарынын купулуна толгон күрөш көрсөттү. Бул тууралуу президент Садыр Жапаров социалдык тармактагы баракчасына жазды.
«Айсулуу Тыныбекова Азия чемпиондугунда өзүнүн эң мыктылыгын бешинчи ирет жеңүүчү болуп далилдеди. Күмүш алган Айпери Медет кызын, коло медаль алган Калмира Билимбекованы чоң спорттогу бул ийгиликтери менен куттуктайм! Сиздер бүгүнкү күндүн Жаңыл мырзасысыздар. Силерге карап миңдеген сиңдилериңер спортко кызыгып, максат коё билүүнү үйрөнөт.
Албетте, Мээрим Жуманазарова баш болгон башка балбан кыздарыбыз багынта турган жеңиштер алдыда. Андыктан алар машыгууларына жаңы дем күч менен кайтып келет деп ишенебиз. Учурдан пайдаланып спортчуларыбыздын машыктыруучулар курамына да ыраазычылык билдирем. Ошону менен катар эртең килемге чыга турган эркин күрөш боюнча балбандарыбызга ийгилик каалайм», — деди ал.