Президент Садыр Жапаров кечээ, 13-февралда расмий сапарынын алкагында Венгриянын президенти Каталин Новак менен эки тараптуу сүйлөшүүлөрдү өткөрдү.
Каталин Новак эки элдин маданий окшоштугунан улам өлкөлөр ортосундагы кызматташтык жогорку деңгээлде болот, деп билдирди.
Садыр Жапаров кыргыз менен венгер элдери боордош экенин, Кыргызстан үчүн Венгрия аркылуу Европага эшик ачылып жатканын баса белгиледи. Ал Венгрия жана Европа өлкөлөрү менен саясий-экономикалык багытта кызматташууга даяр экенин билдирди.