Жогорку Кеңештин депутаты Марлен Маматалиев Бишкектеги тыгын көйгөйүн чечүү үчүн бир нече сунуш айтты.
Анын негизгилеринин бири — шаарды тегерете жол салуу. Бул үчүн 47 чакырым жол жана 9 жаңы көпүрө салуу керек. Долбоордун наркы 110 миллион сом болору пландалууда.
Мындан тышкары, ал жол чыракка карабастан оңго бурулууга уруксат берүү керектиги айтылды.
«Көптөгөн өлкөлөрдө, анын ичинде БАЭде жана Россияда, светофорго карабастан оңго бурулууга уруксат берилет. Мындай мүмкүнчүлүк биздин айдоочулар үчүн да керек», — деди Маматалиев.
Ал эми Бишкек мэри Айбек Жунушалиев 25-январдан баштап 21 көчөнүн кесилишинде «акылдуу светофорлор» пилоттук режимде иштеп баштаарын белгиледи. Анын айтымында, алар жасалма интеллектинин жардамы менен тыгынды азайтууга салым кошот.
Эске сала келсек, аталган токтомдо Бишкек жана Ош шаарларындагы транспорттук тыгындарды азайтуу боюнча чаралар сунушталган.