24-январда Кыргызстандын Транспорт жана коммуникациялар министрлиги Бишкек — Ош жана Суусамыр — Талас — Тараз унаа жолдорунда кар көчкү түшүрүү иштери жүргүзүлүп жатканын кабарлады.
Маалыматка ылайык, Бишкек — Ош унаа жолунун 132, 133 жана 135-чакырымында, ал эми Суусамыр — Талас — Тараз жолунун 198-чакырымында кар көчкүнү түшүрүү үчүн артиллериялык эсеп колдонулууда.
Бул иштерди жүргүзүү учурунда унаа жолдордо маал-маалы менен бардык транспорт каражаттарынын кыймылына убактылуу чектөөлөр киргизилүүдө.