Кечээ, 25-март күнү Талас облусунун Манас районуна караштуу Үч-Коргон айыл аймагында токойдон өрт чыккандыгы тууралуу маалымат түшкөн. Бул тууралуу ӨКМден билдиришти.
Тилсиз жоону өчүрүүгө Манас райондук ӨКБдан 2 күжүрмөн эсеп жөнөтүлгөн. Буга кошумча саат 18:56да Ч.Айтматов райондук ӨКБдан дагы 1 күжүрмөн эсеп тартылды. Жеринде Талас облустук башкармалыгынын ыкчам тобу, жалпы 3 эсеп тартылган. Өрт саат 23:43тө чектөөгө алынып, 00:40та толук өчүрүлгөн. Өрттүн кесепетинен жабыркагандар жана жаракат алгандар жок.
Өрттүн жалпы аянты болжол менен 25-30 гектарды түзөт.
