УКМК төрагасы Камчыбек Ташиев өлкөдө тартип кантип орнотулуп жатканын айтты.
«Буга чейин ар ким каалаганын кылып жүрдү. Талаганын талады, тоногонун тоноду, алганын алды. Мындай болбойт. Мамлекеттен бир нерсе сурап жатабызбы? Ага да ошондой кылышыбыз керек. Мамлекеттик кызматта иштеген кимдир бирөө казынага кол салган болсо, мыйзам чегинде колду чагабыз. Коррупция кыла турган болсо, түрмөгө тыгабыз. Бандиттердин жанын сууруп, мыйзам чегинде экинчи андай кылбай турган кылабыз. Мамлекет өзүнүн жарандарына мээримдүүлүк менен карайт«,- деди ал.