Токмокто массалык мушташтан улам өспүрүмдөр бычакталып, алардын бири шектүү катары кармалды. Бул тууралуу Чүй ОИИБден билдиришти.
Маалыматка караганда, 27-декабрда Токмок ШИИБдин «102»кызматына Борончиев менен Сарыбагышев көчөлөрүнүн кесилишинде массалык мушташ болуп жатканы тууралуу маалымат түшкөн. Териштирүүнүн жүрүшүндө, «Сказка» дүкөнүнүн 2-кабатында дискотека болгону, ал жерде Токмок шаары менен Чүй районунун балдарынын ортосунда мушташ чыкканы, кесепетинен 2004 жана 200-жылы туулган өспүрүмдөр бычактан жаракат алганы аныкталган. Аталган факты боюнча кылмыш иши козголду. Өспүрүмдөр тергөө бөлүмүнө жеткирилип, көрсөтмө беришкен. Кылмышка шектелип, 2006-жылы туулган өспүрүм кармалып, камакка алынды.