Токмокто адам өлтүрүүгө шектүү кармалды. Бул тууралуу Чүй ОИИБден билдиришти.
Маалыматка караганда, 9-ноябрда саат 19:00 чамасында Токмок ШИИБге кабар түшкөн. Анда 35-40 жаштагы кишинин жансыз денеси үйдүн алдында жатканы айтылган. Маркумдун 1987-жылы туулгандыгы аныкталып, соттук-медициналык экспертиза дайындалган. Адам өлтүрүү беренеси менен кылмыш иши козголгон.
Кылмышка шектүү катары 1990-жылы туулган жаран кармалган. Тергөөдө аныкталганда, экөө спирт ичимдигин ичип отуруп, уруша кетишкен. Шектүү маркумду өлгүчө сабап, кетип калган. Тергөө уланууда.