Кыргыз Республикасынын Улуттук коопсуздук мамлекеттик комитети (УКМК) “Мыйзамсыз алынган мамлекеттик мүлктү кайтарып алуу” боюнча мамлекеттик саясатты ишке ашыруунун алкагында, Баткен районунун Төрт-Гүл айыл аймагындагы Чоң-Талаа айылында жайгашкан жана учурда иштеп жаткан «Арак-Коньяк Заводун» мамлекеттин балансына кайтарды.
Маалым болгондой, бул завод 1997-жылы жергиликтүү тургундардын элдик жыйынынын протоколдук чечими менен «Төрт-Гүл» ЖЧКсынын карамагына мыйзам бузуу менен өткөрүлгөн. Ал эми 2006-жылы аймактын №07/30 токтому менен 2,89 гектар жер аянты чет элдик катышуусу бар жеке компанияга арзан баада сатылып кеткен.
УКМК жүргүзгөн тергөөгө чейинки текшерүүнүн жыйынтыгында, аталган заводдун уюштуруучулары жана директору заводдун бардык мүлкүн жана жер тилкесин ыктыярдуу түрдө Мамлекеттик мүлктү башкаруу агенттигинин балансына өткөрүп беришти.
