Бул тууралуу УКМКнын маалымат борборунан билдиришти.
Маалыматта айтылгандай, КР УКМК тарабынан жеке менчикке мыйзамсыз өткөн жер тилкелерин мамлекеттин балансына кайтаруу боюнча жүргүзүлүп жаткан иш-чаралардын алкагында жалпы аянты 2,52 га болгон «Каракол дүң жана чекене соода базасы» Каракол шаардык мэриясынын балансына өткөрүлүп берилди.
Белгилүү болгондой, 2000-жылы Ак-Суу райондук мамлекеттик администрациясынын башчысынын чечими менен Гебзе көчөсү 200 дарегинен (1 га) жер тилкеси Каракол соода базасына бекитилип берилген, мындан тышкары 2001-жылы райондук мамлекеттик администрациясынын кийинки токтому менен жер тилкесинин аянты «мурдагы чечимдеги техникалык ката» деген жазуу менен 2,52 гектарга чейин көбөйтүлгөн.
Тиешелүү иш-чаралардын жүрүшүндө аталган «Каракол дүң жана чекене соода базасы» (мурдагы райондор аралык база) ыктыярдуу негизде Каракол шаарынын мэриясынын балансына өткөрүлүп берилди.