💡 Интеллект жана коопсуздук: жаңы муун үчүн чакырык
КР УКМК жарыялайт!
2025-жылдын 24-октябры
Министрлер Кабинетинин төрагасынын орун басары – УКМК төрагасы генерал-полковник Камчыбек Ташиев белгилегендей:
«Келечек интеллектке, техникага жана илимге таандык. Биздин милдет – таланттууларды өз убагында аныктап, аларга мүмкүнчүлүк түзүү жана өлкөнүн коопсуздугу менен өнүгүүсү үчүн күч-аракеттерди бириктирүү».
🌐 Улуттук коопсуздуктун жаңы доору
Бүгүн дүйнө улуттук коопсуздукту камсыздоонун жаңы этабына өттү. Эми согуш жана коргонуу физикалык гана эмес, кибернетикалык жана интеллектуалдык мейкиндикке да жайылды.
Заманбап куралдуу күчтөр — бул танктар же учактар гана эмес. Аларга жасалма интеллектке негизделген башкаруу системалары, дрондор, киберкоопсуздук, криптография жана башка технологиялар кирет.
👩💻 Техникалык адистер – өлкө коопсуздугунун негизги күчү
Биз жогорку деңгээлдеги техникалык билимге ээ жарандарды, анын ичинде чет өлкөлүк ЖОЖдордун бүтүрүүчүлөрүн кызматка тартууга өзгөчө көңүл бурабыз.
Маалыматтык технологиялар, киберкоопсуздук, жасалма интеллект, криптография, системалык аналитика – бул тармактар жаңы муундагы улуттук коопсуздуктун негизи.
Чет жактан билим алган жаштардын мекенге кайтып, өз билимин улуттук долбоорлорго багытташы – бул өлкө үчүн чоң мүмкүнчүлүк. Биз аларга татыктуу орун, мамлекеттик масштабдагы милдеттер жана кесиптик өсүү шарттарын сунуштайбыз.
🧠 Бизге керектүү адистер:
- маалыматтык коопсуздук
- аналитика жана маалымат иштеп чыгуу
- жасалма интеллект жана автоматтык иштеп чыгуулар
- тармактык технологиялар
- программалык камсыздоо инженерлери
- системалык башкаруу
- криптография
- дрон конструкторлору
- киберпсихология жана жүрүм-турумду талдоо адистери
- 2-3 чет тилин билген адистер
📋 Негизги талаптар:
- жашы 30 жашка чейин;
- Middle/Senior деңгээл;
- физикалык жана психикалык жактан дени сак;
- жогорку билим жана 2 жылдан кем эмес тажрыйба;
- соттуулугу жок;
- купуялуулукта иштөөгө даярдык;
- чет өлкөлүк ЖОЖдордун бүтүрүүчүлөрүнө артыкчылык берилет.
📞 Байланыш:
КР УКМК
Телефон жана WhatsApp: 0999 012 012