Шералы Сыдыков атындагы республикалык спорт колледжинин директорунун орун басары болуп Улукбек Жолдошбеков дайындалды. Тиешелүү буйрукка билим берүү мекемесинин жетекчиси кол койду.
Эскерте кетсек, Улукбек Жолдошбеков эркин күрөш боюнча Азия чемпиондугун жеңип алган кыргызстандык биринчи спортчу болуп саналат.
Ал эми аталган колледж 1971-жылы балдар үйүнүн базасында Надежда Крупская атындагы спорт адистиги боюнча РОШИСП республикалык жалпы билим берүүчү спорттук мектеп-интернаты катары түзүлгөн.
Республикалык бул спорт колледжинде Кыргызстандын ийгиликтүү спортчулары: Канат Бегалиев, Руслан Түмөнбаев, Данияр Көбөнов, Арсен Эралиев, Акжол Махмудов, Эрназар Акматалиев, Айсулуу Тыныбекова жана Айпери Медет кызы Олимпиадага даярданышкан.