Японияда жер титирөөдөн каза болгондордун саны 62 адамга жетти. Бул тууралуу NHK жазды.
Учурда жергиликтүү кызматтар урандылардын астындагы адамдарды издөөнү улантууда. Алар ошондой эле жер титирөөдөн, анын ичинде имараттар кулагандан кийин башталган өрт менен күрөшүүдө. NHK телеканалынын акыркы маалыматы боюнча, жабыркагандардын саны 100дөн ашты, алардын 17си оор абалда ооруканада.
1-январда Японияда күчү 7,6 баллга жеткен жер титирөө болгон. Андан кийин жер титирөө 150дөн ашык жолу катталган. 24 саатка созулган өлкөнүн бүт батыш жээгинде цунами коркунучу жарыяланды.