Чүй ОИИБден Ысык-Атадагы темир жолдо болгон кырсык тууралуу маалымат беришти.
Маалыматка караганда, кырсык 13-ноябрда саат 15:30 чамасында Жээк менен Дмитревка айылдарынын ортосунда катталган. ВАЗ 21150 үлгүсүндөгү унаанын 1984-жылы туулган айдоочусу поезддин алдына кирип кеткен. Аталган факты каттоого алынып, териштирүү башталган. Кырсыктын кесепетинен 3 адам жабыркаган. Алар жеңил унаанын айдоочусу жана 2 жүргүнчү.
Жергиликтүү ЖМКлар жеңил унаада ата менен бала болгонун, алардын абалы оор экенин жазышты. Териштирүү уланып жатат.