Ысык-Көлдө тургундун үйүнөн курал-жарак табылды (сүрөт)

Ысык-Көлдө жергиликтүү тургундан ок-дарылар табылды. Бул тууралуу Ысык-Көл ОИИБден билдиришти.

Ноябрь айынын ортосунда Ак-Суу РИИБдин экстремизмге жана мыйзамсыз миграцияга каршы аракеттенүү кызматынын ыкчам кызматкерлерине райондун тургундарынын бири өз үйүндө ок атуучу куралдарды жана ок-дарыларды мыйзамсыз сактап жүргөндүгү тууралуу маалымат түшкөн.

Маалымат РИИБге катталып, Кылмыш-жаза кодексинин 267-беренеси (куралды, ок-дарыларды мыйзамсыз жүгүртүү) менен кылмыш иши козголгон.

Тергөөнүн жүрүшүндө, маалыматта көрсөтүлгөн адамдын өздүгүн аныкташкан. Ал Ичке-Жергез айылынын 47 жаштагы тургуну болуп чыккан жана анын жашаган жеринде мыйзамдуу тинтүү иштери жүргүзүлдү.

Тинтүү учурунда милиция кызматкерлери тарабынан 2 даана «ТОЗ-8» үлгүсүндөгү ок атуучу куралдары, 10 даана 7,62 калибрдеги жана 10 даана 5,45 калибрдеги октор, 1 даана бычак, 1 окуу гранатасы жана баштыка салынган жапайы кара куурайдын өзгөчө жыты бар кургатылган өсүмдүк алынган. Алдын ала таразага тартуу учурунда алынган кургатылган өсүмдүктүн салмагы 1 килограмм 250 граммды түздү.
Соттук-баллистикалык жана соттук-химиялык экспертизалар дайындалды. Тергөө амалдары уланууда.

Related posts

Аялын өлтүрүүгө шектелген Казакстандын мурдагы экономика министри камакта калтырылды

admin

«Социал-демократтар» Атамбаевди үй камагына чыгарууну суранышты

admin

Германиянын Россия менен ири согушка даярданып жатканы айтылды

admin

Комментарий