Бүгүн Ысык-Көлдө коопсуздук органдарынын кызматкерлеринин көптөн күткөн спорттук майрамы башталды – УКМК Төрагасынын кубогу үчүн республикалык спартакиада өзүнүн салтанаттуу ачылышын жасады.
Бул жылы мелдештер өзгөчө кызуу өтмөкчү: эркектер футбол, волейбол, баскетбол жана шахмат боюнча күч сынашса, аялдар 3000 метрге эстафеталык жарышта, дартста жана 3х3 баскетболдо таймашат.
Иш-чаранын ачылышында КР УКМК төрагасынын орун басары, генерал-майор Т.Шабданбеков төрага Камчыбек Ташиевдин атынан катышуучуларды куттуктап, адилеттүү оюн, командалык дух жана спорттук достукту каалады.
«Спортчулардын биримдиги жана чыныгы атаандаштык духу бүгүнкү иш-чаранын башкы маанайын түзөт», – деди ал.
