Жалал-Абад облусунда май майрамдарынан кийин 870тен ашык ипотекалык үй жарандарга берилет. Бул тууралуу Президенттин иш башкармалыгы билдирди.
Мамлекеттик ипотекалык компанияда өткөн жыйында президенттин иш башкаруучусу Каныбек Туманбаев буга чейин «Түндүк» мобилдик тиркемеси аркылуу турак жай алуу үчүн арыздарды берүү мүмкүнчүлүгүн иштеп чыгуу милдети коюлганын эске салды. Учурда бул МИКтин порталы аркылуу жүргүзүлүүдө. Туманбаев ишти тездетүүнү талап кылды.
«Бардык техникалык иштер аяктады. Жакын арада жарандар Tunduk тиркемеси аркылуу тез жана ыңгайлуу түрдө арыз бере алышат», — деди «Кызмат» ишканасынын директору Урматбек Камбаров.
Ал эми Туманбаев бардык процесстер жарандар үчүн ачык жана түшүнүктүү болушу керектигин белгилеген.