Жогорку Соттун 4-декабрындагы чечими менен Саламаттыкты сактоо министринин мурдагы кеңешчиси Мээрим Тилекова Кылмыш-жаза кодексинин 41-беренесинин 3-бөлүгү, 337-беренесинин 2-бөлүгүндө каралган кылмыш иши боюнча толугу менен акталган. Бул тууралуу юрист Кайсын Абакиров социалдык тармактагы баракчасына жазды.
УКМК 17-майда Бишкекте министр Алымкадыр Бейшеналиевдин кеңешчиси, 1993-жылы туулган Мээрим Тилекованын жашаган жери аныкталып, Кылмыш-жаза кодексинин 343-беренесинин (опузалап пара алуу) негизинде тергөөгө чейинки текшерүүнүн материалдарынын алкагында андан аркы тергөө амалдарын жүргүзүү үчүн Каракол шаарына жеткирилген. Жактоочу Абакиров буга чейин ал Ысык-Көл облустук соту тарабынан акталганын билдирген.