Жол кырсыгына кабылган № 48 автобустун айдоочусу иштен алынды. Бул тууралуу Бишкек жүргүнчүлөр автотранспорт ишканасынан билдиришти.
Кырсык 15-ноябрда Чыгыш автобекетинин жанында болгон. Алдын ала маалыматтарга караганда, автобустун айдоочусу чыгышты көздөй бара жатып, автобекетке жете электе рулду башкара албай, жолдон чыгып, бакты сүзгөн.
Кырсыктан 9 адам жабыркап, бардыгы амбулатордук шартта дарыланууда. Автобустун айдоочусу өзү да жаракат алган. Ошондой эле айдоочу кырсыктын кесепетинен келтирилген зыяндын ордун толтурат.