Өлкө боюнча кулпунай өстүрүүдөгү чемпион аныкталды. Ал фермер Нурбек Отогонов. Нурбек мырза 1 гектар жерден 37 тонна кулпунайдын түшүмүн алып, кирешесин арттырган. Ал эми багбан Уланбек уулу Нурсултан интенсивдүү ыкма менен алма өстүрүп, 1 гектардагы 2 миң түп алма багынан 25-30 тонна түшүм жыйнаган. Сиз дагы ушундай жыйынтыктарды жаратып, жакшы киреше тапкыңыз келеби? Анда, багбанчылык менен чоң жетишкендиктерге жетишип, ийгилик жараткан адистер жана фермерлер 2025-жылдын 29-январында саат 10:00дө К.И. Скрябин атындагы Кыргыз улуттук агрардык университетинде кызыл килемден өтүп, өз тажрыйбасы менен бөлүшүп, кулпунай жана алма өстүрүүнүн заманбап технологиялары жана түшүмдүүлүктү арттыруунун сырлары менен тааныштырат.
Иш чара тууралуу кошумча маалымат алуу үчүн: 0770850015 (Турат Идрисов) Министрликтин бөлүм башчысы
