14-апрелге караган түнү көпчүлүк аймактарда жаан жаап, күн күркүрөшү, бийик тоолуу райондордо кар жаашы күтүлөт. Бийик тоолуу райондордо жолдор тоңголок жана тайгак болот.
Дүйшөмбүдө күндүз айрым жерлерде жаан-чачын катуу жаайт. Мындай маалыматты Кыргызгидромет таратты.
Батыштан соккон шамалдын ылдамдыгы секундасына 4-9 айрым учурларда 15-20 метрге жетет.
Абанын температурасы Чүй жана Таласта +17…+22, Ош, Жалал-Абад, Баткен облустарында +19…+24, Ысык-Көл өрөөнүндө +13…+18, Нарын аймагында +14…+19 градус жылуу болот.
Бишкек жана ОШ шаарларында мезгил-мезгили менен жаан жаап, күн күркүрөп, борбор калаада күндүн табы +20…+22 градуска жетсе, Ошто +22…+24 градуска чейин көтөрүлөт.