Шаршембиде күндүз көпчүлүк аймактарда жаан, бийик тоолуу райондордо кар жаашы күтүлөт. Мындай маалыматты Кыргызгидромет таратты.
Батыштан соккон шамалдын ылдамдыгы секундасына 4-9, күндүз айрым жерлерде 15-20 метрге жетет.
Абанын температурасы Чүйдө +19…+24, Талас, Нарын облустарында +16…+21, Ош, Жалал-Абад жана Баткен жергесинде +21…+26, Ысык-Көл өрөөнүндө +15…+20 градус жылуу болот.
Борбор калаада күндүн табы +21…+23, Ош шаарында +22…+24 градуска чейин көтөрүлөт.