Адам уурдоо боюнча 2021-жылдан бери издөөдө жүргөн жаран кармалды. Бул тууралуу УКМКдан билдиришти.
Ош облусунун Өзгөн районунун аймагында адамдардын тобу тарабынан алдын ала сүйлөшүп алып, акча талап кылуу максатында адам уурдоо фактысы боюнча 2021-жылдан бери издөөдө жүргөн жаран кармалды.
Буга чейин, 2020-жылдын декабрь айында шектүү жана уюшкан кылмыштуу топтун башка мүчөлөрү Баткен районунун тургунунан 20 миң доллар өлчөмүндө акча талап кылышкан. Жүргүзүлгөн ыкчам-издөө иш-чараларынын натыйжасында жабырлануучуну уурдап кеткен. Мерседес-Бенц үлгүсүндөгү унаасы аныкталып, УКМКнын унааны токтотуу боюнча мыйзамдуу талаптарына уурулар тарабынан каршылык көрсөтүлгөн. Жогоруда аталган жаран качып кетүүгө үлгүрүп, издөөгө алынган.
23-декабрда шектүү кармалып, тергөө абагына киргизилди.