Октябрь айынан бери пенсияны жогорулатууга 3 миллиард 905 миллион сом каралган. Бул тууралуу Жогорку Кеңештин Бюджет, экономикалык жана фискалдык саясат боюнча комитетинин жыйынында Социалдык фонддун төрагасы Бахтияр Алиев билдирди.
Анын айтымында, келерки жылга 16 миллиард сом каралган. «2024-жылы пенсиянын камсыздандыруу бөлүгүн 7 пайызга жогорулатууну пландап жатабыз. Былтыр 8 пайызга көтөрөбүз деп пландашкан, бирок иш жүзүндө 38 пайызга көбөйтүшкөн”, — дейт Соцфонддун төрагасы.