Орус астрономдорунун айтымында, Күндүн активдүүлүгүнүн жогорулашынан улам ушул күздө магниттик бороондордун саны көбөйөт. 24-25-сентябрда күчтүү магниттик бороон болушу күтүлүүдө.
Күн астрономиясы лабораториясы 24-25-сентябрдагы 4 баллга чейинки магниттик бороондор аба ырайына көз каранды адамдарда ыңгайсыздык жаратып, баш ооруларга алып келиши мүмкүн деп эсептейт.
«Күндүн активдүүлүгү системалуу түрдө өсүп жаткандыктан, геомагниттик активдүүлүк дагы жогорулашы мүмкүн»,- деп билдирди Россия Илимдер академиясынын Космос изилдөө институтунун профессору Сергей Богачев.
Геомагниттик бороондордун күчүнүн градациясы 1ден 8 баллга чейин аныкталат. Кийинки күчтүү магниттик бороон 29-сентябрда жана 16-октябрда күтүлүүдө.