Милицияга мурда бир нече жолу соттолгон жарандар Бишкек шаарынын жана Чүй облусунун аймагында куралчан чөнтөк уурулар аркылуу кылмыш жолу менен алынган уюлдук телефондорду кошуна өлкөлөргө сатып жаткандыгы тууралуу маалымат келип түшкөн. Бул тууралуу Бишкек шаардык милициясынан маалымдашты.
Аталган факты боюнча Кылмыш-жаза кодексинин 217-беренесине (Кылмыш жолу менен алынгандагы мүлктү сатып алуу же сатуу) жана 205-беренесине (Уурдоо) ылайык кылмыш иши козголгон. Тергөө жана ыкчам-издөө иш-чараларынын жүрүшүндө милиция кызматкерлери тарабынан 2004-жылы туулган И.К. жана 1997-жылы туулган А.Ш. аттуу шектүүлөр аныкталып жана кармалган, алар бир нече жолу ушул сыяктуу кылмыштарды жасагандыгы үчүн соттолушкан. Алар Тергөө кызматына жеткирилди жана убактылуу кармоочу жайга киргизилди.
Кылмыш ишинин алкагында милиция кызматкерлери тарабынан уурдалган уюлдук телефондорду өлкөдөн сыртка алып чыгуу максатында шаардын соода-сатык борборлорунда уурдалган уюлдук телефондордун сериялык номерлерин сатып алуу жана оңдоо менен алектенгендер чогулгандыгы аныкталган. Мисалы, алардын бири кылмыш жолу менен алынган уюлдук телефондордун баасын баалайт жана башка кемчиликтерин аныктайт, ал эми экинчиси мурда соттолгон жаран чөнтөк уурулар менен тыгыз байланышта. Ал эми 1997-жылы туулган А.Ш. чөнтөк уурулар менен алдын ала божомолдонгон дарекке түнкү убакытта барып, уурдалган уюлдук телефон, планшет, ноутбуктарды ижарага алган автоунаасы менен алып кетип турган.
Издөө иш-чараларынын жүрүшүндө ыкчам кызматкерлери тарабынан 360 даанадан ашык уюлдук телефондор, ноутбуктар жана планшеттер табылып алынды. Алардын жалпы суммасы 7 миллион сомдон ашыгын түзөт. Алардын негизги бөлүгү, Бишкек шаарынын соода-сатык борборлорунда сериялык номерлерди коддорунан чыгаруу жана иштетүү менен иштеген жарандардан алынган. Азыркы убакта алынган техникалардын кожоюндарын аныктоо, ошондой эле кылмышка катыштыгы кылмышкерлерди кармоо боюнча бардык иш-чаралар жүргүзүлүп жатат.
https://www.facebook.com/plugins/video.php?height=314&href=https%3A%2F%2Fwww.facebook.com%2F100068683716070%2Fvideos%2F881894273701673%2F&show_text=false&width=560&t=0