Кечээ, 27-майда УКМК төрагасы Камчыбек Ташиев Токмок шаарында жашы жете элек сегиз баланы тарбиялап жаткан жалгыз бой эне Айжан Бакаловага үч бөлмөлүү батирдин ачкычын тапшырды.
СЕРЕП МЕДИА маалымат агенттиги жалгыз бой энеге байланышты. «Кыялданып, ниет кылып жатканбыз. Кудай буйруса, ойлогон оюбузга жеттик. Жаңы үйдү кечээ жыйнадык, бүгүн көчүп барабыз. Көп кабаттуу үйдүн 1-кабатында жайгашкан. Эми сөз жок. Оңдоо иштери жасалып, эмеректерин да коюп беришти, сонун батир», — деди ал.
Ушул жылдын февраль айында СЕРЕП МЕДИА маалымат агенттигине Айжан Бакалованын тагдыры тууралуу маалымат жарыяланган. «Айына 6 миң сом төлөп, 9-кабатта турабыз. 9 бала менен лифт жок үйдөн чыкканды элестетип көрсөңөр. Шарт да жок. Өкмөт үй алууга жардам берсе дейм» деген ал.