Жогорку Кеңештин комитет жыйынында депутат Балбак Түлөбаев шаарга монорельс курууну кайра көтөрдү. Ал өкмөткө 5 тонна алтынды сатып, Бишкекке монорельс курууну сунуштады.
«Жыл сайын 4-5 миллиарддан мэрияга акча берип жатасыңар. Мен мэр болуп турганда ушул акчаны берсеңер гана. 1-2 мектепти араң салчубуз. Азыр 15 мектеп салып берип жатасыңар. Азыркы мэр жыргады. Монорельсти айтсам, мени шылдыңдап, колун көрсөттү дедиңер. 17-19 чакырымга бир монорельс куруп койсок, көп болсо 180 миллион доллар болот экен. Маселе чечилмек. Логикалык жактан ойлонсоңор, алган автобусуңар деле ошого барып атпайбы. 5 автобус токтосо, жол чырактан аялдамага чейин тыгын жаралат”, — деди ал.