«Бишкексууканал» башкармалыгы Арча-Бешик жаңы конушунун абоненттерине суунун жетишсиздигинен улам таза суу жана саркынды суулар үчүн кайра эсептөө жүргүздү.
Муниципалитеттен билдиришкендей, 7066 абонент 2023-жылдын май айына кайра эсептөө менен квитанция алышкан.
Жалпы саны 258 миң 845 абонентти түзөт. Анын ичинен 2,7% абонент кайра эсептелген.
Ар бир айдын 1-күнүнөн 10-күнүнө чейин «Бишкексууканал» абоненттерге муздак суу берүү жана саркынды сууларды чыгаруу боюнча квитанцияларды жеткирип турат.
Квитанцияда абоненттин төмөнкү маалыматы чагылдырылат:
— муздак сууну керектөө нормасы;
— дебитордук карыз;
— жашоочулардын саны;
— муздак сууга тариф;
— саркынды суу үчүн тариф.