Жогорку Кеңеш Адахан Мадумаровду кылмыш жоопкерчилигине тартууга уруксат берди 

Жогорку Кеңештин 22-июндагы жыйынында депутат Адахан Мадумаровду кылмыш жоопкерчилигине тартууга макулдук берүү боюнча Башкы прокурордун сунушун кароо үчүн түзүлгөн атайын депутаттык комиссиянын корутундусу жабык эшик артында каралды.

Аталган маселени кароонун жыйынтыгы менен Жогорку Кеңеш депутат Адахан Мадумаровду “Бийликтен аша чабуу” беренеси боюнча кылмыш жоопкерчилигине тартуу тууралуу башкы прокурордун сунушуна макулдук берди.

Эскерте кетсек, 31-майдагы Жогорку Кеңештин жыйынында депутат Адахан Мадумаровду кылмыш жоопкерчилигине тартууга макулдук берүү боюнча башкы прокурордун сунушун кароо үчүн атайын депутаттык комиссия түзүлгөн.

Комиссиянын курамына депутаттар Гуля Кожокулова, Карим Ханджеза, Кундузбек Сулайманов, Миргүл Темирбаева, Мурадил Сыдыков, Фарходбек Алимжанов, Мирлан Самыйкожо жана Динара Ашимова кирген.

Related posts

УКМК: КР жарандыгын алуу боюнча документтерди тариздөө үчүн акча каражаттарын мыйзамсыз алуу схемасын уюштуруу фактысы аныкталды

admin

Бишкекте кезектеги ипотекалык батирлер жарандарга тапшырылат

admin

Ошто К.Досоновдун уюшкан кылмыштуу тобунун активдүү мүчөсү- «Бойко” каймана аты менен белгилүү А.А.А. кармалды

admin

Комментарий