Боом капчыгайындагы кырсыкта каза тапкан жана жаракат алган адамдардын өздүгү аныкталды.
Маалым болгондой, кече, 1-октябрь күнү саат 17:00 чамасында Бишкек—Нарын—Торугарт жолунун 124-чакырымында 3 унаа кагышып, жол кырсыгы катталган.
Анын кесепетинен Кемин райондук жалпы дарыгерлер практикалык борборуна 13 адам жеткирилген. Алардын ичинен 4 адам жандандыруу бөлүмүнө, 9 адам хирургия бөлүмүнө жаткырылган. Дагы 11 адам ооруканага жатуудан баш тартышкан.
Окуя болгон жерде 1973-жылы туулган Ү.Ж. (аял киши) каза тапкан. Жандандыруу бөлүмүндө оор абалда жаткан 1974-жылы туулган Р.И.Х. көз жумган.
Кырсыктын кесепетинен Балыкчы шаарынын 1 тургуну, Чүй облусунун 3 тургуну, Жумгал районунун 5 тургуну жаракат алган. Алар:
1. 1993-жылы туулган А.К. (эркек киши);
2. 1981-жылы туулган С.С.С. (эркек киши);
3. 1960-жылы туулган А.Ж.К. (эркек киши);
4. 1968-жылы туулган С.Т.Ж. (аял киши);
5. 1988-жылы туулган Э.А.Ш. (аял киши);
6. 1990-жылы туулган А.А.А. (аял киши);
7. 1979-жылы туулган Ү.М. (эркек киши);
8. 1990-жылы туулган Ж.З. (аял киши);
9. 2017-жылы туулган Н.А.Р. (кыз киши).