10-октябрь саат 20:00 карата маалымат боюнча Израилдин аймагында кырдаалдын курчушунун натыйжасында жабыр тарткандардын арасында Кыргыз жарандары жок. Бул тууралуу ТИМден билдиришти.
Элчилик Израилде жашаган Кыргыз жарандарынын тизмесин түзүүдө (учурда тизмеде 65 жаран). Кыргызстандын бардык жарандарына алардын абалын жана Израилдин аймагынан чыгып кетүүгө мүмкүнчүлүгү жана каалоосу бар же жок экенин аныктоо үчүн телефон чалуу жүргүзүлүүдө.
Колдо болгон маалыматтарга ылайык, үч Кыргыз жараны Израилден чыгып кетүү ниетин билдирип, учурда аларды өлкөнүн чегинен тышкары алып чыгуу мүмкүнчүлүгү иликтенип жатат.
Зарыл болгон учурда, кошумча ишеним телефондорунун номерлери (күнү-түнү): +90 5456896800 (элчиликтин номери), +972 533214916 (Кыргыз Республикасынын Израилдеги Ардактуу консулу).