Тышкы иштер министрлиги Жакынкы Чыгышта аскердик-саясий абалдын туруксуздугуна жана палестина-израиль жаңжалынын андан ары курчушуна байланыштуу Кыргыз жарандарына Ливандан чыгып кетүүнү жана ошондой эле чыр-чатакка кабылган Жакынкы Чыгыш өлкөлөрүнө баруудан баш тартууну сунуштады. Бул тууралуу ТИМдин сайтында айтылат.
«Ошону менен бирге министрлик Израилде жүргөн Кыргыз жарандарын азыркы учурда каттап жаткан туруктуу каттамдар менен барган өлкөнүн чегинен тышкары чыгып кетүүгө чакырат. Министрлик күтүлбөгөн кырдаалдарда жана шашылыш суроолор келип чыкканда, түз байланыш телефонуна кайрылууну эскертет», — дешти.
Түз байланыш номур: +996 999 312 002.