Ошто уюшкан кылмыштуу топ менен күрөшүү улантылууда. Бул тууралуу Ош ОИИБден билдиришти.
14-октябрь күнү Кара-Кулжа РИИБге аталган райондун тургуну арыз менен кайрылган. Анда ушул жылдын май айында жаран анын мал жандыктарын алып, азыркы күнчө чейин акчасын бербей, качып жүргөнүн билдирген. Бул факты боюнча Кылмыш-жаза кодексинин 209-берененин негизинде кылмыш иши козголгон.
Кылмышка шектүү катары уюшкан кылмыштуу топтун мүчөсү катары ИИМдин каттоосунда турган, буга чейин бир нече жолу кылмыш жообуна тартылган, 1980-жылы туулган жаран кармалып, камакка алынган. Андан сырткары, кармалган жаран бүгүнкү күндө Кылмыш-жаза кодексинин 283-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) боюнча да шектүү.