Бүгүн, 25-октябрда 12 күндөн бери изделип жаткан Айжамал Алымбаева Жалал-Абад облусунун аймагынан табылып, ата-энесине өткөрүп берилди. Бул тууралуу Ош ШИИБдин басма сөз кызматы билдирди.
Айжамалдын айтымында, ал ата-энеси менен эч кандай пикир келишпестикке барган эмес. Болгону өзү жалгыз жашагысы келген. Ата-энеси издешин билип, уюлдук телефонунун номурун толугу менен алмаштырган.
Эске салсак, бул кыздын бешинчи жолу жоголушу.
Буга чейин 2004-жылы туулган — Алымбаева Айжамал Жеңишбековна ушул жылдын 13-октябрында Ош мамлекеттик университетине караштуу Юридикалык колледжден чыккандан кийин дайынсыз болуп жатканын жазган.