Кулак-мурду кескиленген келин өзүн күзгүдөн көргөнүн айтты. Ал социалдык тармактагы баракчасына өзүн кабыл алуу учурунда экенин айтты.
«Мен азыр өзүмдү кабыл алуу учурундамын. Бул учурду кантип кабыл алса болот билбейм, оор болуп жатат. Жашоом окуяга чейин жана кийин болуп бөлүндү. Өткөнгө ыраазчылык билдирем, бактылуу мүнөттөр өттү. Бирок өткөндө калгым келбейт, алдыга умтулуу керек. Мен балдарымдын келечегин ойлонушум керек. Балдарым мага дем-күч, үмүт жана сүйүү беришет. Аларга байланып калгам. Балким бул менин катам, себеби балдар деп жүрүп, аз уктап, дем алышсыз иштедим. Балдарымсыз өзүмдү көрө албайм.
Мен келечекте эки билимдүү балдардын апасы болгум келет. Операция келбетимди кайтарып берет деген үмүттөмүн. Мен өзүмдүн бетимди күзгүдөн көрдүм. Бул түн эң коркунучтуу болду. Кайра көргүм келбейт. Балдарыңарды урбагыла, өзгөчө кичинекейлерди. Алар биздин күзгүбүз», — деп жазды ал.