Кадамжай районунун Эки-Даван жайлоосунда Айдаркен шаарынын 3 тургуну тоого чыгып, алардын бири — 1970-жылы туулган жаран кулап кеткен.
ӨКМден билдиргендей, кесепетинен бутун кокустатып алган. Жерине саат 14:02де унаа менен 6 куткаруучу, ат менен 4 куткаруучу барган.
Саат 16:30да жерине барган куткаруучулар жабыр тарткан жаранга керектүү медициналык жардам көрсөтүп, саат 19:58де Айдаркен шаардык ооруканасына жеткиришкен. Учурда аталган жарандын абалы жакшы.
