Саламаттык сактоо министри Алымкадыр Бейшеналиев 10-11-январда Исламабад шаарында саламаттык сактоо тармагындагы коопсуздук боюнча Глобалдык саммитке катышууда.
Ведомстводон билдиришкендей, иш-чарага бир нече өлкөнүн саламаттык сактоо министрлери катышууда. Министрлер саммиттин катышуучуларына күчтүү жана туруктуу коомдук саламаттык сактоо системасын түзүү темасында кайрылышты.
Өз кезегинде Алымкадыр Бейшеналиев бул иш-чаранын маанилүүлүгүн белгилеп, саламаттыкты сактоонун коопсуздугу жана системанын туруктуулугу менен байланышкан тармактарда диалогду жана жаңы өнөктөштүктү өнүктүрүү үчүн уникалдуу мүмкүнчүлүк экенин баса белгиледи.
Эки күндүк талкуулардын жыйынтыгында саламаттык сактоо тармагындагы келечектеги коопсуздук боюнча глобалдык хартияга кол коюу пландалууда.
