Өткөн жылдын башында Кытайда ишкана кызматкерлерине арыктаганы үчүн сый акы сунуштап, ага 150 адам катышуу менен жалпы 800 килограмм салмак ташташкан.
Программанын форматы боюнча спорттук лагерге окшош. Анда адамдар 30 кишиден топторго бөлүнүшүп, үч ай бою алардын ийгилигин көзөмөлдөшөт. Каалоочулар көп болгондуктан, ишкана толук адамдар үчүн атайын квота бөлүүгө туура келген. Долбоордун фонду 144 миң долларды түзгөн. Арыктоо программасынан өтүп жаткан топтор ар аптада таразага түшүп турушкан. Жалпы салмактан ар бир ташталган жарым кило үчүн бардык катышуучу 55 доллар алган. Бирок топтун салмагы жогорулай турган болсо, анда катышуучуларга 70 доллар айып пул салынган. Жыйынтыгында жамааттык жоопкерчиликтин эрежеси ишке ашкан. Программа башталгандан бери бир да кызматкер салмак кошкон эмес. Кызматкерлер спорт менен активдүү машыгып, бири бирине ийгиликке жетүү үчүн шык берип келишет.
