2025-жылдын 13-февралында КР КК Улуттук гвардиясынын аскер бөлүгүндө Ооган Демократиялык Республикасынын аймагынан советтик аскерлердин чыгарылгандыгынын 36 жылдыгына карата өздүк курамы менен ардактуу ардагерлер, запастагы генерал-полковник А.Чотбаев, запастагы полковник В.Славский жана А.Маманов, «Афганистан бизге жылдар бою тартылат» аттуу патриоттулук темада маек курушту.
Жолугушуунун жүрүшүндө катышуучулар Ооган согушу окуяларынын хронологиясын эскеришти, советтик аскерлердин Афганистанга киргизилишинин себептери жана советтик аскерлер менен Афганистандын өкмөттүк аскерлеринин биргелешкен согуш аракеттери жөнүндө айтып беришти. Ошондой эле, интернационалист жоокерлердин окуяларына, алардын эрдигине өзгөчө көңүл бурулду.
Иш-чарада архивдик документалдык хрониканын кадрлары колдонулду.
