КР УКМК тарабынан мыйзамсыз менчиктештирилген ишканаларды кайтаруу боюнча жүргүзүлүп жаткан иш-чаралардын алкагында мамлекеттин балансына Ош облусу, Араван району, Араван айылы, Ленин көчөсү 10 дарегинде жайгашкан, аянты 616 чарчы метр жер тилкеси менен тиричилик үйү мамлекеттин балансына кайтарылды.
Ыкчам-иликтөө иш-чараларынын жүрүшүндө 2011-жылдын 18-майында Мамлекеттик мүлк фонду менен «Юлдуз» муниципалдык ишканасынын ортосунда Кыргыз Республикасынын Президентинин 1995-жылдын 16-февралындагы № 37 Жарлыгын жана Кыргыз Республикасынын Өкмөтүнүн 1995-жылдын 9-октябрындагы №421 токтомун бузуу менен (Социалдык инфраструктура объектилери менчиктештирүүгө жатпайт) сатып алуу-сатуу келишими мыйзамсыз түзүлгөндүгү аныкталып, ага ылайык тиричилик үйү жеке колго сатылып кеткен.
616 чарчы метр жер тилкеси менен тиричилик үйү мамлекеттин балансына кайтарылды
