Камактагы депутат Адахан Мадумаровдун Нурмухаммед аттуу 31 жашар уулу ичкилик ичип унаа айдаганы үчүн 1 жылга айдоочулук укугунан ажыратылды. Бул тууралуу расмий булактар билдиришти.
Мындай чечимди 2-ноябрда Аламүдүн райондук соту чыгарган. Соттун аныктамасында, ал 29-октябрь күнү мас абалында Форд Фьюжн үлгүсүндөгү унааны айдап бара жаткандыгы айтылган. Сотто Нурмухаммед Мадумаров күнөөсүн мойнуна алып, кылган ишине өкүнгөнүн айткан.