Бала бакчалар жана мектептер кызамыкка каршы эмдөөдөн өтпөгөн балдарды киргизбөөгө укуктуу. Бул тууралуу Республикалык иммундук алдын алуу борборунун директору Гүлбара Ишенапысова мыйзамдуу экенин билдирди.
Маалыматка ылайык, эмдөө 18-сентябрда Бишкек, Чүй жана Ош облустарында башталган. 9 айдан 7 жашка чейинки балдар эмделүүдө.
Учурда кызамык оорусу күч алып жаткандыктан, маселе курч. Эгер балаңыз вакцинаны 1 жана 6 жашында өз убагында алган болсо, анда үчүнчү ирет эмдөөгө алынышы керек. Бул кошумча эмдөө буга чейин эмделгенине карабастан сунушталат.