КР УКМК тарабынан козголгон кылмыш ишинин алкагында Балыкчы нотариалдык округунун жеке нотариусу кармалды.
Тергөө маалыматына ылайык, нотариус кыймылсыз мүлктү сатуу-сатып алуу келишимин мыйзамсыз жол-жоболоштуруп, документтердеги тараптардын кол тамгаларын жасалмалаган.
Келишим мүлктүн мыйзамдуу ээсинин кабарысыз жүргүзүлүп, анын натыйжасында ал өз мүлкүнө болгон укугунан ажыратылган.
УКМК жарандарды ушундай фактылар боюнча төмөнкү номерлерге кайрылууга чакырат:
+996 (3922) 51180
+996 555 540052
