Жөө жүргүнчүнү сүзүп кеткен айдоочу кармалды. Бул тууралуу ИИМдин Жол кыймылынын коопсуздугун камсыздоо башкармалыгынан билдиришти.
Кечээ, 17-октябрда саат 17:10 чамасында Балыкчы шаарынын Аманбаев менен Туманов көчөлөрүнүн кесилишинен айдоочу белгисиз унаасы менен 2011-жылы туулган кызды сүзүп, из жашырып кеткени тууралуу маалымат түшкөн. Бул факты боюнча Ысык-Көл облусунун Балыкчы шаарынын жол тескөөчүлөрү ыкчам издөө иш-чараларын жүргүзүп, кылмыш изи сууй электе кылмышка шектүү катары Хонда Фит унаасынын айдоочусу болгон 1980-жылы туулган жаран кармалды.