Башкы прокурордун мурдагы орун басары Кубан Адыл уулу кармалганын Sputnik Кыргызстан агенттигине Биринчи май райондук сотунан кабарлашты.
Юстициянын генерал-майору массалык башамандыкка даярдык көргөн, уюшкан топ түзгөн, кылмыштуу топту каржылаган, бийликти күч менен басып алууга аркет кылган деп шектелүүдө. Эми 2025-жылдын 10-январына чейин камакта болот. Маалымат булактары Кубан Адыл уулу менен кошо дагы алты киши кармалганын айтышты.
Кубан Адыл уулу бул кызматка 2021-жылы келген. 2024-жылы жазында президент Садыр Жапаров ошол кездеги башкы прокурор Курманкул Зулушевге орун басары Кубан Адыл уулун кызматтан алууну сунуштап, кийин ал ишинен бошотулган.