Белбоо күрөшү боюнча курама команда Дүйнө кубогунда 5 медаль жеңди. Бул тууралуу Спорт департаментинен билдиришти.
Кыргыз Республикасынын белбоо күрөшү боюнча курама команда Екатеринбург шаарында (Орусия) өткөн Дүйнө кубогунда 5 медаль (3 алтын, 1 күмүш, 1 коло) жеңди.
62 килограммга чейинки салмакта Дооронбек Сапанов, 75 килограммга чейинки салмак категориясында Мыктыбек Өмүрзак уулу жана 82 килограммга чейинки салмак ченинде Эсенбек Кудайбердиев алтын медалга ээ болушту.
Муктарбек Мыктыбеков 90 килограммга чейинки салмакта күмүш медалга ээ болсо, 75 килоргаммга чейинки салмакта Дурсунбек Көлбаев 3-орунду ээлеген.
Мелдеш 15-17-декабрь күндөрү болуп өттү. Курама команда башкы машыктыруучу Жеңишбек Токтоназаровдун жетекчилиги алдында мелдешке катышты.